Hvítbók um náttúruauðlindir landsins

Björt Framtíð telur nauðsynlegt að fá fram heildstæðar upplýsingar um náttúruauðlindir Íslands og ástand þeirra til að byggja undir stefnu ríkisstjórnarinnar um að: „nýting auðlinda til lands og sjávar verði ætíð í jafnvægi þannig að komandi kynslóðir megi njóta sömu gæða og þær sem nú byggja landið“. BF styður því eindregið áform umhverfis- og auðlindaráðherra um gerð hvítbókar um náttúruauðlindir landsins.

Þetta er nauðsynlegt. Meðal annars er nauðsynlegt að varpa ljósi á hversu miklum auðlindum Íslendingar hafa tapað á landi frá landnámi. Nær allur skógurinn hvarf, helmingurinn af gróðurþekjunni og helmingur þess sem eftir er telst vera í óviðunandi ástandi. Auka þarf skógarþekju Íslands á ný, bæði með birkiskógi og með nytjaskógum sem gefa okkur arð. Lífhagkerfið tekur senn við af olíuhagkerfinu. Í lífhagkerfinu þarf hver þjóð að hafa nægar timburauðlindir til eigin þarfa. Ræktum skóg!